Dili, 8 de Janeiru 2026, Eskola Secundaria Geral 12 de Novembro halao ona orientasaun ba estudante foun ano letivo 2026. Durante loron tolu nia laran hahu husi loron ualu too loron sanulu, estudante foun sira nee tama eskola hahu oras 8.00 too tuku 5 loraik. Atividade orientasaun maka hanesan, dia primeiru: abertura de orientasaun husi diretor da eskola sr. Marculino Menezes Babo, L,Ec.
Iha biban ne’e diretor da eskola esplika katak “wainhira ita atu hahu tama iha eskola ida, ita presija konhese uluk ambiente eskola nee, tamba nee mak liu husi oreintasaun ida nee atu bele fo konhesementu ba estudante sira nee’be maka atu sai estudante secundario Geral 12 de Novembro. Iha orientasaun ida nee ita sei halao iha loron tolu. Iha orientasaun ida nee, ba estudante foun sira , ita boot sira, eskola sei konsidera hanesan kandidatu. Wainhira liu husi prosesu orientasaun ida nee mak ita boot sira sei hatudu hahalok ruma ka atetudi ruma neebe maka la priense tuir kriteria ka regras eskola 12 de Novembro nian eskola sei foti ita boot sira nia dokumentus fo fila fali, ita boot sira ba buka eskola seluk.”
Duranti loron tolu nee, estudante foun sira halao atividade hanesan: rona informasaun husi parte polisia, no mos husi parte eskola kona ba regras eskola nian no sansaun ba estudante sira neebe’ kontra regras sira nee.
No iha loron sanulu fulan Janeiru orientasaun nee remata ho sunu ahi-matan, hatudu katak sira sai ona estudante 12 de Novembro nian. Iha loron sanulu resin rua, estudante sira komesa hahu aprendizagen ba ano letivo 2026.
Journalista: Ajai
Editor: Zulmira Morais Fernandes
Leave a Reply